תהלים פרק ע - 70
א לַֽמְנַצֵּחַ לְדָוִד לְהַזְכִּֽיר
: ב אֱלֹהִים לְהַצִּילֵנִי יְהֹוָה לְעֶזְרָתִי חֽוּשָֽׁה
: ג יֵבשׁוּ וְיַחְפְּרוּ מְבַקְשֵׁי נַפְשִׁי יִסֹּגוּ אָחוֹר וְיִכָּלְמוּ חֲפֵצֵי רָעָתִֽי
: ד יָשׁוּבוּ עַל־עֵקֶב בָּשְׁתָּם הָאֹמְרִים הֶאָח | הֶאָֽח
: ה יָשִׂישׂוּ וְיִשְׂמְחוּ | בְּךָ כָּל־מְבַקְשֶׁיךָ וְיֹאמְרוּ תָמִיד יִגְדַּל אֱלֹהִים אֹֽהֲבֵי יְשׁוּעָתֶֽךָ
: ו וַֽאֲנִי | עָנִי וְאֶבְיוֹן אֱלֹהִים חֽוּשָׁה־לִּי עֶזְרִי וּמְפַלְטִי אַתָּה יְהֹוָה אַל־תְּאַחַֽר