פרק צט
א יְהֹוָה מָלָךְ יִרְגְּזוּ עַמִּים ישֵׁב כְּרוּבִים תָּנוּט הָאָֽרֶץ
: ב יְהֹוָה בְּצִיּוֹן גָּדוֹל וְרָם הוּא עַל־כָּל־הָֽעַמִּֽים
: ג יוֹדוּ שִׁמְךָ גָּדוֹל וְנוֹרָא קָדוֹשׁ הֽוּא
: ד וְעֹז מֶלֶךְ מִשְׁפָּט אָהֵב אַתָּה כּוֹנַנְתָּ מֵישָׁרִים מִשְׁפָּט וּצְדָקָה בְּיַֽעֲקֹב | אַתָּה עָשִֽׂיתָ
: ה רֽוֹמְמוּ יְהוָה אֱלֹהֵינוּ וְהִֽשְׁתַּֽחֲווּ לַֽהֲדֹם רַגְלָיו קָדוֹשׁ הֽוּא
: ו משֶׁה וְאַֽהֲרֹן | בְּֽכֹֽהֲנָיו וּשְׁמוּאֵל בְּקֹרְאֵי שְׁמוֹ קֹרִאים אֶל־יְהֹוָה וְהוּא יַֽעֲנֵֽם
: ז בְּעַמּוּד עָנָן יְדַבֵּר אֲלֵיהֶם שָׁמְרוּ עֵדֹתָיו וְחֹק נָֽתַן־לָֽמוֹ
: ח יְהֹוָה אֱלֹהֵינוּ אַתָּה עֲנִיתָם אֵל נֹשֵֽׂא הָיִיתָ לָהֶם וְנֹקֵם עַל־עֲלִילוֹתָֽם
: ט רֽוֹמְמוּ יְהוָה אֱלֹהֵינוּ וְהִֽשְׁתַּֽחֲווּ לְהַר קָדְשׁוֹ כִּֽי־קָדוֹשׁ יְהֹוָה אֱלֹהֵֽינוּ
: