פרק פז
א לִבְנֵי־קֹרַח מִזְמוֹר שִׁיר יְסוּדָתוֹ בְּהַרְרֵי־קֹֽדֶשׁ
: ב אֹהֵב יְהֹוָה שַֽׁעֲרֵי צִיּוֹן מִכֹּל מִשְׁכְּנוֹת יַֽעֲקֹֽב
: ג נִכְבָּדוֹת מְדֻבָּר בָּךְ עִיר הָאֱלֹהִים סֶֽלָה
: ד אַזְכִּיר | רַהַב וּבָבֶל לְֽיֹדְעָי הִנֵּה פְלֶשֶׁת וְצוֹר עִם־כּוּשׁ זֶה יֻֽלַּד־שָֽׁם
: ה וּֽלֲצִיּוֹן יֵאָמַר אִישׁ וְאִישׁ יֻֽלַּד־בָּהּ וְהוּא יְכוֹנְנֶהָ עֶלְיֽוֹן
: ו יְֽהוָה יִסְפֹּר בִּכְתוֹב עַמִּים זֶה יֻלַּד־שָׁם סֶֽלָה
: ז וְשָׁרִים כְּחֹלְלִים כָּֽל־מַעְיָנַי בָּֽךְ
: