פרק קנ
א הַֽלְלוּיָהּ | הַֽלְלוּ־אֵל בְּקָדְשׁוֹ הַֽלְלוּהוּ בִּרְקִיעַ עֻזּֽוֹ
: ב הַֽלְלוּהוּ בִּגְבוּרֹתָיו הַֽלְלוּהוּ כְּרֹב גֻּדְּלֽוֹ
: ג הַֽלְלוּהוּ בְּתֵקַע שׁוֹפָר הַֽלְלוּהוּ בְּנֵבֶל וְכִנּֽוֹר
: ד הַֽלְלוּהוּ בְתֹף וּמָחוֹל הַֽלְלוּהוּ בְּמִנִּים וְעוּגָֽב
: ה הַֽלְלוּהוּ בְצִֽלְצְלֵי־שָׁמַע הַֽלְלוּהוּ בְּֽצִלְצְלֵי תְרוּעָֽה
: ו כֹּל הַנְּשָׁמָה תְּהַלֵּל יָהּ הַֽלְלוּיָֽהּ
: