פרק קכט
א שִׁיר הַֽמַּֽעֲלוֹת רַבַּת צְרָרוּנִי מִנְּעוּרָי יֹֽאמַר־נָא יִשְׂרָאֵֽל
: ב רַבַּת צְרָרוּנִי מִנְּעוּרָי גַּם לֹא יָֽכְלוּ־לִֽי
: ג עַל־גַּבִּי חָרְשׁוּ חֹרְשִׁים הֶאֱרִיכוּ לְמַֽעֲנִותָֽם [לְמַֽעֲנִיתָֽם]
: ד יְהֹוָה צַדִּיק קִצֵּץ עֲבוֹת רְשָׁעִֽים
: ה יֵבשׁוּ וְיִסֹּגוּ אָחוֹר כֹּל שׂנְאֵי צִיּֽוֹן
: ו יִהְיוּ כַּֽחֲצִיר גַּגּוֹת שֶׁקַּדְמַת שָׁלַף יָבֵֽשׁ
: ז שֶׁלֹּא מִלֵּא כַפּוֹ קוֹצֵר וְחִצְנוֹ מְעַמֵּֽר
: ח וְלֹא אָֽמְרוּ | הָעֹבְרִים בִּרְכַּת יְהֹוָה אֲלֵיכֶם בֵּרַכְנוּ אֶתְכֶם בְּשֵׁם יְהֹוָֽה
: